XX. mendeko Euskararen Corpus estatistikoa

Testuingurua

Emaitzetan, lehenik, talde bakoitzaren deskribapena azaltzen zait.

Ikus dezakegu lagin osoko 335 pertsonen datuak izan beharrean, 119 pertsonenak bakarrik dauzkatela (47 talde batean eta 72 bestean).

Bi programen (tratamenduen) eraginkortasuna konparatzeko, 4 ikastetxerekin bakarrik ari gara lanean.

Gainerantzeko subjektuei tratamenduari dagokion datua gehitu ez diegunez, SPSSWINak analisitik kanpo utziko dizkigu.

Aurrera.

Tratamenduen batezbestekoak honakoak dira: 40.08 gero ohizko kurtsoa jasoko duen taldearentzat (BETIKOA) eta 38.54 kurtso berria garatuko den taldearentzat (BERRIA).

Diferentzia (Mean difference - diferencia de medias = 1.5434) ez da txikia, baina kantitateak nahikoa handiak direnez, ikus dezagun ea zoriaren ondorio izan daitekeen eta ea bi taldeak, ikasketa-ohiturei dagokionez, homogeneotzat har ditzakegun.

Ondoren 6.1.3. bertsioan Levene frogaren emaitzak topatzen ditugu, bariantzen berdintasunari edo berdintasunik ezari buruz erabakitzeko.

7.5. bertsioak beheko taulan, gainerantzeko balioen ondoan aurkezten dizkigu.

Zer erabaki hartuko dugu?

Hartu beharreko lehen erabakia bariantzen berdintasunari edo berdintasunik ezari buruzkoa da (gogoratu Studenten T-rako bi formula ditugula, bariantzak berdinak diren edo ez direnaren arabera).

Erabaki hau hartzeko Leveneren Testaren F-an erreparatuko dut: 0.025.

Oso txikia, eta balio hau zoriz lortzeko probabilitatea, berriz, oso handia: 0.875.

Hemendik ezinezkoa da bariantzak ezberdinak direla erabakitzea. Nahasteko probabilitatea oso handia litzateke: 0.875.

Noski!, talde bien desbideratze tipikoak oso antzekoak dira (6.08 eta 6.56). Nire ondorioa, beraz, bariantzak berdinak direla izango da.

Horrela bada, (se han asumido varianzas iguales) EQUAL-eko ilaran azaltzen zaizkidan emaitzak aztertzen jarraituko dut.

Eta hemen T-ren balioa 1.289 dela daukat, 117ko askatasun-graduarekin, (subjektu-kopurua ken talde-kopurua).

7.5. bertsioan batezbestekoen diferentzia (mean difference) (1.5434) eta diferentzien errore estandarra (1.19) agertzen zaizkigu.

Ondoren, batezbestekoen diferentziaren konfiantza-tartea % 95ean zein den adierazten dit: -0.8273 3.9141.

Tarte honek % 95eko konfiantza-mailarekin (% 5eko errore-tartearekin), batezbestekoen diferentzia balio horien artean kokatuko dela adierazten dit. Baina, diferentzia 0 izatea bazter al dezaket?

EZETZA begi-bistakoa da, bi arrazoi direla tarteko.

Lehenengo arrazoia: 0 balioa konfiantza-tarteko mugen barnean sartua dago % 95ean.

Honek diferentziaren balio posibleetako bat dela esan nahi du.

Horregatik, aukera bezala behintzat ez baztertzera bultzatzen nau.

Bigarren arrazoia: batezbestekoak ezberdinak direla erabakiz gero nahasteko probabilitatea 0.200 da.

Hau da, diferentzia hau zoriz emateko probabilitatea bi taldeetako batezbestekoak berdinak diren kasuan, 0.200 da. Probabilitate honek hipotesia baztertzeko oso altua dirudi.

Arrazoi hauetan oinarrituz, beraz, nire ondorioa izango da EZIN dudala esan batezbestekoak desberdinak direnik. Batezbestekoak berdinak dira.

Bigarren froga. Datu parekatuak edo erlazionatuak

Tratamenduak, orokorrean, eraginkorrak diren ala ez planteatzen da hemen.